Chhī-leng-lūi
Chhī-leng-lūi, La-tin bûn Mammalia, sī lêng-kut tōng-bu̍t chi̍t lūi, phó͘-thong sè-hàn chi̍t tōaⁿ sî-kan óa khò lāu-bú tùi leng-chôaⁿ hun-pì leng teh io-chhī sī in ê te̍k-sû sèng-chit.
Sin-khu téng hoat mn̂g oân-á sī chhī-lēng-lūi ê te̍k-tiám, chóng-sī tang-tiong ia̍h ū hái-ang chhut-sì liáu-āu bô koh hoat. Chhī-leng-lūi ê ē-hâi kut kap thâu-kut ti̍t-chiap khan chò-hóe, bô chhiūⁿ pat khoán lêng-kut tōng-bu̍t tiong-ng ke chi̍t tè kut. Chhī-leng-lūi hīⁿ-khang lāi ū chi̍t cho͘ saⁿ ki kut-á sio tàu, choan-bûn teh thoân siaⁿ-im ê kò͘-chō.
Hun-lūi
Oa̍h teh ê chhī-leng-lūi ū put-chí 5,500 chéng, thang pun chò tāi iok 125 kho, 27 chì 29 bo̍k. Kò-thé kiam hun chéng sò͘-liōng siōng chē ê chi̍t bo̍k sī Niáu-chhí-bo̍k (Rodentia).