Linux

Linux sī kok chhióng khai-hòng sò͘-sù ê Unix-khoán ūn-choán hē-thóng (operating system), in lóng sī lī-ēng goân-té tī 1991 nî hoat-hêng ê Linux kernel chò ki-chhó͘ khai-hoat.

Khai-hoat-chiá kok lâng kā ki-pún ê Linux kernel kap kî-tha mi̍h-kiāⁿ pau chò chi̍t thò ūn-choán hē-thóng hoat-hêng, chia kok-iūⁿ ê Linux piàn-khoán hō chò Linux phòe-pō͘-pán (Linux distribution). Hiān-chú-sî phòe-pō͘-pán pah pah khoán, khah chhut-miâ ê ū Debian, Fedora Linux, Linux Mint, Arch Linux, Ubuntu téng-téng.