Khòaⁿ Thài-iông-hē ê sò͘-suh

'''Thài-iông-hē''' sī [[ji̍t-thâu]] kiam kui cho͘ kho͘ ji̍t tńg-se̍h ê mi̍h, tang-tiong ū hun [[iû-chheⁿ]], [[ōe-chheⁿ]], [[sió-iû-chheⁿ]], [[tn̂g-bóe-chheⁿ]], kap [[liû-chheⁿ-lūi]] (''meteoroids'') téng-téng bô kâng khoán ê [[thian-thé]].

== Hêng-sêng lūn ==
Chiàu lí-lūn, thài-iông-hē sī tùi chi̍t phìⁿ  khì-thé saⁿ-lām tîn-bū ê [[thài-iông seng-hûn]] (''solar nebula'') seⁿ chhut. Chit lō seng-hûn siū ka-tī [[tāng-le̍k]] ê la̍t ín-chhōa lap chò phiat-á ê hêng-thé. Kòe-têng tiong tōa-pō͘-hūn ê bu̍t-chit hō͘ tiong-sim khiú ·kòe, chiâⁿ chò [[ji̍t-thâu]]. Chhun lo̍h sì-kè sio lòng ê lia̍p-á tè-bé pìⁿ chi̍t kóa hō chò [[iû-chheⁿ-chí]] (''planetesimal'') ê thian-thé. Chia-ê mi̍h chiah koh ta̍uh-ta̍uh-á chek chò [[sió-iû-chheⁿ]], [[tn̂g-bóe-chheⁿ]], [[ōe-chheⁿ]], kap [[iû-chheⁿ]].

[[Thài-iông-hong]] (''solar wind'') kā tōa-pō͘-hūn khah khin chit ê sêng-hun, pí-lūn [[chúi-sò͘]] kap [[ji̍t-sò͘]] (''helium''), pûn khì khah hn̄g ê só͘-chāi, tō sī it-poaⁿ gōa-ûi ê khì-thé iû-chheⁿ chú-iàu cho͘-sêng. Nā tī khah óa ji̍t-thâu ê lāi-té-pêng, tō chhun sè-lia̍p chio̍h chit ê iû-chheⁿ.

== Iû-chheⁿ ==
Thài-iông-hē ê iû-chheⁿ ū chio̍h chit ê [[Chúi-chheⁿ]], [[Kim-chheⁿ]], [[Tē-kiû]], [[Hóe-chheⁿ]], kap khì-thé chit ê [[Bo̍k-chheⁿ]], [[Thó͘-chheⁿ]], [[Thian-ông-chheⁿ]], [[Hái-ông-chheⁿ]].

Khah-chá koh khah gōa ûi ū [[Mê-ông-chheⁿ]] mā sǹg chāi-lāi, chóng-sī chiàu 2006 nî ê sin tēng-gī, sī pun tī [[é-á iû-chheⁿ]] (''dwarf planet'') ê hun-iá.

== Gōa-ûi kò͘-chō ==
[[Kuiper Tòa|{{ruby|Kuiper|Khai-phà}} Tòa]] (''Kuiper Belt'') sī kòe Hái-ông-chheⁿ gōa ûi ê chhiú-chí hêng kò͘-hō, lāi-té hâm Mê-ông-chheⁿ kap chi̍t kóa kî-tha é-á iû-chheⁿ.

Koh khah óa gōa ū lí-lūn-sèng ê kûi-hêng khak [[Oort Hûn|{{ruby|Oort|Ó͘-luh-toh}} Hûn]] (''Oort Cloud''), iá bô ti̍t-chia̍p ê koan-chhat kì-lio̍k, sī chiàu thui-lūn tn̂g-bóe-chheⁿ chhut sán ê só͘-chāi.

== Chham-chiàu ==
* "[https://www.space.com/56-our-solar-system-facts-formation-and-discovery.html Solar System Facts: A Guide to Things Orbiting Our Sun]". ''SPACE.com''.

[[Category:Thài-iông-hē|*]]