Khòaⁿ Ìn-tō͘ ê sò͘-suh

[[File:TekiuInto.svg|thumb|Ìn-tō͘ (chheⁿ-sek) ê chē-chí]]

'''Ìn-tō͘''', chèng-sek hō '''Ìn-tō͘ Kiōng-hô-kok''', [[Lâm A-chiu]] kok-ka. Siú-to͘ siat tī [[Sin Delhi|Sin {{ruby|Delhi|Teh-lih}}]], sī te̍k-pia̍t khí tī [[Kū Delhi]] lâm-pêng ê hêng-chèng tiong-sim. Ìn-tō͘ si li̍p-hiàn kiōng-hô-kok, kok-lāi ê cho̍k-kûn kap giân-gí kok-iūⁿ, chóng jîn-kháu chiàu 2019 nî ê àn-sǹg, ū chhiau-kòe 13.8 ek, pâi sè-kài tē-jī.

== Tē-lí ==
Ìn-tō͘ ê kéng-kài chiàm saⁿ-hūn-it sī hái-kîⁿ, lēng-gōa kap 6-ê kok-ka sio-óa. Sai-pak-pêng sī [[Pa-ki-su-tán]], pak-pêng ū {{ruby link|Nepal|Ne-pa-luh}}, [[Chi-ná]], {{ruby link|Bhutan|Bu-tan}}; tang-pêng ū [[Bián-tiān]], koh ū {{ruby link|Bangladesh|Bang-la-le-sih}} tī pak, tang, sai pêng lóng hō͘ Ìn-tō͘ pau teh. Tī Ìn-tō͘ tang-lâm kòe [[Palk Hái-kiap]] kiam [[Mannar Hái-oan]], ū tó-kok {{ruby link|Sri Lanka|Suh-li Lan-ka}}.

Ìn-tō͘, kiam Bangladesh kap Pakistan, sī chi̍t tè [[chhù-tāi-lio̍k]], kap [[A-chiu]] kî-tha só͘-chāi, pak-pêng keh [[Himalaya]] soaⁿ-khu, tang-sai-pêng mā ū soaⁿ-tē cha̍h leh. Àn thó͘-tē biān-chek, Ìn-tō͘ sī sè-kài tē-chhit tōa kok-ka. Chi̍t pō͘-hūn ê Ìn-tō͘ koh sī chi̍t tè [[poàn-tó]], sai-pêng [[A-la-pek Hái]], tang-pêng [[Bengal Hái-oan]]. Poàn-tó siōng lâm-pêng ū [[Comorin Hái-kak]], tō sī nn̄g phìⁿ hái ê hun-keh. Ìn-tō ū chi̍t kóa kûn-tó léng-thó͘, tī A-la-pek Hái sī [[Lakshadweep]]; tī Bengal Hái-oan kiam [[Andaman Hái]] tang-tiong ū [[Andaman kap Nicobar Kûn-tó]].

== Le̍k-sú ==
Ìn-tō͘ ê kó͘-chá le̍k-sú it-poaⁿ sī ko͘ kui phìⁿ Ìn-tō͘ chhù-tāi-lio̍k lâi kài-siāu, hâm kin-á-ji̍t ê Pakistan kap Bangladesh chāi-lāi. [[Chú-chiân|CC]] 3 chheng nî ê sî-chūn, tī [[Indus Kang]] khe-po͘ í-keng chhut [[Indus bûn-bêng]]; CC 1 chheng nî ê sî, bûn-bêng mā chhut tī [[Ganges Kang]] tē-hng.

Kin-sè ê Ìn-tō͘ Kiōng-hô-kok sī 1947 nî tùi [[Tāi-eng Tè-kok]] to̍k-li̍p. Chiàu 1947 nî 7 goe̍h Eng-kok Gī-hōe ê [[Ìn-tō͘ To̍k-li̍p Hoat-àn]] (''Indian Independence Act''), goân léng-tē chēng 8 goe̍h tiong pun chò Ìn-tō͘ kap Pakistan. Che chú-iàu sī kā kok-ka pun chò [[Muslim]] ûi chú ê kok, kap [[Hindus]] ûi chú ê kok, chō-sêng iok-lio̍k 1.5 chheng-bān siang-pêng chū-bîn ê chhian-sóa.

Kiàn-kok liáu-āu thâu jīm ê chóng-lí sī [[Jawaharlal Nehru]].

== Chham-chiàu ==
* [https://www.britannica.com/place/India India], ''Encyclopædia Britannica''.
* [https://books.google.com.tw/books?id=hdmcAAAAQBAJ ''The History of India'']. Britannica Educational Publishing.

== Liân-kiat ==
* [[wikipedia:nan:Ìn-tō͘|Ìn-tō͘]], ''Wikipedia''.

[[Category:Ìn-tō͘]]